Религиозная организация
Русская Древлеправославная Церковь

Грамота Восточных Патриархов утверждающая навеки Русское Патриаршество

Понеже благочестивейшии и тишайшии, державнейшии царь всея земли русийския, и московския, казанскии, астраханскии, и новгородскии, и прочих православных государь Феодор Иоаннович, восприял наше смирение телесно тамо пришедшее и ради к нам любомудрия и восприятия елико к Богу благочестие и к Церкви Христове любовь показав, упроси и умоли нас, да с рассмотрением соборным и правильным, поставим Архиепископа Московскаго и именуем его Патриарха[1], якоже и прочии нарекошася и именовашася, первыи убо Константинопольский Вселенский Патриарх почтен достоинством блаженного и равно апостола царя Великаго Константина, и потом Александрийскии, и Антиохийскии, и Иеросалимскии православнии Патриарси. Сего ради смирение наше своими очесы видевшее и известившеся от Бога данное царствию его чин, пространство и величество и яко един той есть днесь на земли царь велик, вкупе и православен, неправедно быти, суди смирение наше, его прошение презирати, но прият его мысль и патриарха постави Московского господина Иова наречением и благодатию Всесвятаго Духа, и грамоту тому даде – хрисовулл патриаршескии. И им же хрисовуллом повеле и извести, да тойжде Архиепископ Московский господин Иов будет пятый Патриарх, и имеет патриаршеское достоинство же и честь, и сочетается и мерится с прочими патриархи на вся веки. И сия убо сотворихом ту по месту, понеже убо Божиею благодатию прииде смирение наше и на престол свой Константинопольскии, и объяви бывшее на Москве, у себе, изволением и достоинством преждереченнаго благочестиваго царя. И слышаша достоинство и вещь, прочии Святейшии Патриарси: Александрийскии, Антиохийскии, и Иеросалимскии, соизволиша же, и возлюбиша сие, и угодно им явися, и благоразумно, и нужное, и пристойное. И се паки смирение наше с Патриархи сими и Вселенским Собором единою мыслию и согласием и хотением во святом Дусе пишем и извещаем настоящею соборною грамотою, и первие убо утвержаем и укрепляем еже по месту, на Москве поставление и патриаршеское именование преждереченнаго Патриарха господина Иова. По сем же, утвержаем, и еже ради сего бывш патриаршескии хрисовулл, в нем же, яже о сем вся писашася пространнее, извещающее соборне, яко да новопоставленныи Московскии господин Иов Патриарх, и именуется Патриарх, и сочитается с прочими Патриархи, и имать чин и память по Патриарсе Иеросалимском, должен сыи поминати имя наше и прочих. И начало свое и первыи имети и непщевати, апостольскии престол Константинопольскии, якоже и прочии имеют Патриарси. Сие же благодеяние и патриаршескую честь и имя не токмо к Патриарху Московскому господину Иову данное ныне, известное и непреложное быти повеливаем и извещаем, но и по сем, к хотящым поставленным бытии у Московского Собора первым Архиереом, Патриархом именоватися повеливаем[2], по правилу и образу бывшему и наченшуся от Патриарха сего Московского господина Иова, во Святом Дусе возлюбленнаго брата и сослужителя нашего смирения. На сем и настоящии соборныи свиток бысть, во всегдашное утвержение, в лета 7098, маия в 8-ыи день.



[1] Собор Древлеправославной Церкви поступил во всем согласно с данным определением – нарек Архиепископа Московского Александра Патриархом.

[2] Сие мы с великой радостью исполнили как верные сыны Церкви и послушники Ее законоположениям.

Нашли ошибку?
Дорогие читатели, если вы увидели ошибку или опечатку, помогите нам ее исправить! Выделите ошибку и нажмите одновременно клавиши «Ctrl» и «Enter». Мы узнаем о неточности и как можно скорее ее исправим.